Saturday, April 24, 2010

"其實.."



寫20個"其實.."關於自己既秘密,習慣,事情,希望....總之要同你有關既。 然後tag多20個人,我tag你就即係我想認識你更深。

1. 其實我真係好雙子座, 性格飄忽一時一樣, 有時好善良, 有時好邪惡! 請不要覺得奇怪,哈哈!
2. 其實我想試下其他路線, 不過好明顯面圓圓的我不能做一個正妹, 所以永遠都要係可愛...
3. 其實我應該真係一個好獨立的人, 可能真係做家姐既關係, 所以由細到大都比較會照顧自己,
好多野都自己決定...總之都會有主見啦! 當然, 要被照顧既時候我都會提出要求的~ 嘻~
4. 其實我好感恩身邊一直都有一班好朋友! even我長期不在香港! 我真係好掛住大家啊!
5. 其實我覺得自己算係知足既人, 所以我不大喜歡同人比較, 可能我全家都係呢種人,
但身邊有不少人都鍾意同人比較...唉,同自己比較就好啦! 理人咁多做乜?
6. 其實我恨嫁...因為我係一個長期缺乏安全感既人! 我好想有自己一個家!
7. 其實我ENJOY做一個婆仔, 周圍搵平靚正既野感覺好開心架!
8. 其實我好怕果D太率真, 諗到咩就講既人, 同一句說話唔可以講得大家都舒服架咩?
9. 其實來旅行同來生活的感覺真係有不同啦~ 來了之後真係對台灣無以前咁狂熱了!
10. 其實由細到大我都好多野諗, 所以掌紋超多!又好鍾意聽/知人地既EXP,
可能我覺得自己經歷唔到, 聽下都好呀!(不過亦因為咁會覺得咩都有可能發生!)

11. 其實無論係咩關係, 兩個人之間總係你乙水下我, 我乙水下你先會開心, 唔好期望只TAKE, 唔GIVE!得閒要對你身邊既人好D, 那怕只係一句小小的問候!
12. 其實我怕鬼, 怕黑, 怕肥, 怕無錢, 怕煩, 怕失望...
13. 其實我愛文字, 上網, 雜誌, 書, DM都可以睇一餐! 總之想不停吸收新既野~ (咁當然都會揀類型啦)
14. 其實好遺憾澳洲WORKING HOLIDAY只去得三個月,三十歲前有機會的話我會再去的!
15. 其實基本上我鍾意熱鬧,氣氛好,一大班人好開心! 但有時又可以超自閉,在自己地頭裡面最好唔好理我!
16. 其實我組織能力真係有D問題, 我個人太飄了, 諗到乜就想做乜~哈哈~
17. 其實我真係幾識自我娛樂的! 所以好多人問我來了台灣無人無物悶唔悶, 其實唔會!
18. 其實我喜歡同人share自己既感覺,經歷...所以一日到黑都會打打打FB,BLOG,FORUM...
19. 其實我信一切都是命定的, 無論好的壞的都是人生的一部份, 應該好好感受!
20. 其實好多野都想做, 不過行動力太低了...

0 omments: